Aginte-jolasak

          

Arratoia eta  katua

MATERIALA: Baloi handia eta pilota txikia.             Taldea korruan dago eserita edo zutik; batek pilota mugimenduan jartzen du, eskuz esku. Hirugarren edo laugarren esku aldaketan pilota mugimenduan jarri duen partaide berak baloi bat jartzen du eskuz esku biraka. Helburua baloiak pilota harrapatzea da. Pilota eta baloia, biak batera, eskuetan dituen partaideak galtzen du. Korrutik irteten da edo agindu bat jartzen zaio.

         

Plater jokoa

            Haur guztiak borobil batean esertzen dira. Boluntario bat gelatik kanpora gelditzen da. Barruan daudenek denda mota bat aukeratzen dute eta ondoren bakoitzak denda horretan dagoen gauza bat aukeratzen du. Jarraian, kanpoan dagoena barrura sartu eta borobil erdian esertzen da. Orduan bakoitzak aukeratu duen gauzaren izena esaten du (denek batera) eta kanpoan egon denak, zer denda mota izan den asmatu behar izaten du. Produktuen izenak batera ematen zaizkionez, ezin asmaturik ibiltzen da. Asmatzen ez badu, aldez aurretik pentsatutako proba bat egin behar izaten du.

                   

Poxpoluak

MATERIALA: Poxpoluak.

Taldeak borobila osatu, eta batek poxpolua piztu ondoren albokoari pasatzen dio, horrela eten barik hurrengoei, jausi edo amatatzen zaionari aginte bat betetzea dagokio. Hurrengo txandan bera hasten da.

      

 

 Botila biratzen

MATERIALA: Botila.

Denak zelaian eserita zirkulu bat osatuz. Erdian botila, gidariak botila biratzen jarri, gelditzen denean burua edo ahoak bati apuntatzen dio eta ipurdiak beste bati. Bi hauek zirkulu erdian dagoen aginte kutxa batetik bakoitzak bat aukeratuko du. Biak bete behar dituzte: musua eman, dantzatu, maitasunezko deklarazioa egin, .............

Makilakixki

Plater jokoa bezalakoa,  baina erdian dagoen jokalaria makila bat borobil erdian orekan utzi behar du izena esan ondoren. Deitutakoa ez badu makila harrapatzen lurrera jausi baino lehenago, aginte bat bete behar du.