Pelikula

    Hau ere talde txikietan egiten dugun ekintza bat da. Aldez aurretik erabakita dago zein pelikula egingo dugun eta horretarako beharrezkoak diren baliabideak (jantziak, musika, efektoak e.a.). Bi ordutan egin behar dugu guztia, beraz, pelikulak laburra behar du izan (15-20 minutukoa).

    Lehenik, istorioa azaltzen diegu, eta ondoren pertsonaiak banatzen ditugu. Gero, filmatzen hasiko gara bideo-kameraren laguntzaz. Eszenak piska bat entsaiatu ondoren, grabatu egiten dira, eta emaitza Bertolucciren filmen adinekoa ez bada ere, ikasleen oso gustukoa da. Filmak ikasturtero aldatu egiten ditugu, eta gehientsuenak beldurrezkoak izanten dira, horiexek baitituzte gustukoen ikasleek.