Eskulanak

        Barnetegian lantzen ditugun abesti eta dantzen hitzak jasoko dituen egurrezko karpeta bat egiten dugu azken ikasturte hauetan.

         Hiru saioetan egiten dugu hau. Lehena, astelehen arratsaldean, egurrak apur bat lixatzea eta kolore batekin margotzea da egiten duguna. Asteazkenean egiten dugu saiorik luzeena, eta bertan irudia marraztu (guk aukeran eskainitako eredu bat kalkatuz) eta ondoren margotu egiten dugu. Horrekin batera, egur txikian izen bat jartzen dugu, eta ondoren margotu ere egiten dugu (gehienetan “Alkiza” jartzen dugu). Ostiralean, azkenik, irudia birpasatu egiten dugu, errotulagailu berezi batekin, eta abestiak banan-banan sartzen ditugu. Azkenik norberaren argazkia itsasten dugu lehen orrialdean, horretarako prest dugun laukitxo batean.