Alkizako barnetegiko araudia

ORDUTEGIA

IKASLEENA

8-etan:            Jaiki, garbitasun pertsonala eta logelak txukundu.

8,30ean:          Gosaria.

9,00etan:         Antolatutako ekintzak.

11,45ean:        Jolasgaraia.

12,15ean:        Antolatutako ekintzak.

13,00etan:       Bazkaria. Denbora librea. Eguraldi oztoporik ez badago, ikasleak kanpoan egotea komeni

      da. Ezin da logeletan jolasean ibili.

14,30etan:       Antolatutako ekintzak.

17,00etan:       Jolasgaraia, askaria.

17,30etan:       Antolatutako ekintzak.

18,30etan:       Denbora librea.

20,00etan:       Afaria.

21,00etan:       Gaueko ekintzak.

22,30etan:       Isiltasuna.

IKASTETXEETAKO IRAKASLEENA

13,00etatik 14,30etara:   Taldearen ardura.

18,30etatik aurrera:        Taldearen ardura.

Astelehen goizean, zehaztuko dugu egonaldi osoaren programazioa, eta orduan hitz egingo dugu gainerako eginbeharrez.

GAUEAN ZER?

6ak eta erdietatik aurrera antola daitezkeen ekintzen berri barnetegian bertan emango zaizu, hala-hola: diskoteka, frontoian argia pizteko aukera, mahai jolasak, bideoak....

Haurrak tarte honetan dutxatuko dira.

IRAKASLE-MONITOREENA

9etatik 13,00etara eta 14,30etatik 18,30etara egongo dira irakasle-monitoreak barnetegian.

      -------------------------------------------------------------------------------------------------------

ETXE BARRUAN

•       Gure etxea Gipuzkoako Gotzaitegiarena da, eta Alkizako Erretoreak, pertsona bat du etxeko     arduradun nagusi gisa izendatua.

•       Monitoreak ez daudenean, beharren bat izanez gero, ardunadunarengana jo behar duzue. Telefono zenbakiak bulegoan daude.

•       Erabilera desegokiaren ondorioz, etxean gerta daiteken edozein hausketa edo bestelako arazorik balego, arduradunarekin hitz egin beharko duzue, edota gutariko batekin komentatu.

•       Garbitzailea (arduraduna bera), egunero pasatzen da garbiketa orokorra egitera ikasleak gosaltzera joan eta gero. Ordurako oheak eginda eta arropak eta oinetakoak txukun jasoak egon beharko dute.

•       Berogailuaren mantenua arduradunari dagokio. Debekatua dago eskuoihalak (toailak) erradiadoreen gainean uztea.

•       Ohe gainean, haurrek ezin izango dute inola ere saltoka edo jolasean ibili, bat baino gehiago apurtu baita.

•       Barnetegiak dituen ikus-entzunezko nahiz bestelako aparagailuei buruzko informazioa, irakasle-monitoreek emango dizuete. Galdetu beldurrik gabe.

•       Haurrak goiko solairuetara igotzen direnean etxeko zapatilak jantzi beharko dituzte, horretarako beheko solairuan prestatu dugun lekuan.

•       Gauetan bereziki, mesedez, beheko solairuko eta ganbarako argiak itzaltzeaz arduratu.

•       Bat-batean, etxean argirik gabe geratuz gero, sarrerako atearen ezkerraldean dagoen kutxatxo batean automatikoak saltatu duen erreparatu, eta horrela bada, beherantz dagoen teklatxoa gorantz jarri.

HERRIAN, JOLASLEKUAN, JANTOKIA

•       Janariarekin arazoak dituen ikaslerik balego, etorri aurretik jakinarazi mesedez irakasle-monitoreei.

•       Jangelara joateko errepidea zeharkatu behar denez, nahiz eta kotxe gutxi ibili, arretaz ibiltzea eskatzen dizuegu.

•       Jangelan ikasle arduradunei laguntzea eskatuko zaie: ontziak pilatzen, zerbait banatzen...

•       Jangelara joan aurretik, komunean egin beharrekoak , barnetegian bertan egingo dira.

•       Haurrek herri ingurua errespetatu behar dute.

•       Udaletxearen aginduz, herriko eskolakoek soinketa edo psikomotrizitaterako beste lekurik ez dutenez,   lehentasuna dute frontoia ikastordu barne erabiltzerakoan.

•       Haurrak, jolasgarai librea dutenean,  ez dira plaza ingurutik irtengo.

•       Plazan arriskutsu gerta daitezkeen petriletan, haurrak ibil ez daitezen, arreta berezia jar dezan eskatzen diogu irakasleari.

BESTE ZENBAIT GAUZA

•       Ikasleek ezin dute egonaldian zehar etxera telefonoz deitu (salbuespenak salbuespen)

•       Ikasleen gaixotasun edo istripuen aurrean, egin behar denari buruzko informazioa, barnetegira etortzean emango zaizue.

•       Egonaldiaren amaieran, monitoreek bideo kamerarekin grabatutako guztiaren kopia emango zaizue. 

•       Taldean behar bereziak dituzten ikasleak izanez gero, jar zaitezte mesedez aldez aurretik gurekin harremanetan.

•       Taldeak hala erabakitzen badu, ikasle bakoitzak euro bana ekar dezake, zaldietara joaten garen egunean gastatu ahal izateko.

•       Kanpoan daudenean, jolasean aritzeko, baditugu barnetegian kiroletako zenbait material: erraketak, pilotak, baloiak...